Blogger Complete Blog Designing Guide in Hindi


Cover picture of Blogger customization guide
CompleteBlog Customization Guide

Hello Friends, 
Shuru Karne se pahle mere sare viewers or unki family ke liye very-very Happy and colourful Holi. 

Google ne Blogger jesa free platform banakar Online paisa kamane walo ke liye sahuliyat to ki. Par wahi "Blog Designing" ke maamle me thoda kanjoosi kar di. Khaaskar, un logo ke liye jinhe Coding ki knowledge nahi hai.





Blogger ke in-built templates toh bahut hi simple or common se hain. jo, itne attractive nahi hain or Unhe Customize karne ke liye jyada options bhi nahi hai. 

Agar aap Blogger ki in-built templates ko Customize karne bhi lag gye toh apka Blog Design wo jaadu nahi  kar payega jisse Viewers apki Blog par bar-bar visit karne ke liye Majboor ho jaye.Kyunki Mera Manna hai ki Koi bhi Viewer apka Content padhne se pahle apki Blog ke Design se hi interact karta hai ya yun kahe ki apke blog Design se hi apke Content ka andaza laga leta hai. Isliye bahut jaruri ho jata hai apni blog ko Attractive ya Eye-Catchy banana.

Apni Blog ko Accha Design dene ke liye apke paas kya options hai. Aiye jante hai...


  • Pehla toh yeh ki, aap Blogger ki In-built Templates ko manually apne hisaab se Customize karen. Par jaisa ki maine pehle bhi bataya ki Blogger ke "Template Designer" me apke paas jyada options nahi hain. Or aap apni Blog ko attractive banane ke liye jyada kuchh nahi kar payenge. 
  • Dusra option yeh hai ki, aap In-built Templates ki Coding ko apne hisaab se design ya change karen. Par isme apko Coding ki Hardcore knowledge honi jaruri hai. 
  • Teesra option hai ki Aap Custom Templates ka prayog karen, usme aap thode se changes kar apni blog ko Bahut accha look de sakte hain. Isme thodi-bahut coding ki knowledge se hi kaam chal jayega ya  coding nahi bhi ati hogi fir bhi Tutorials padh kar aap Blog design kar payenge.
  • Fourth option yeh hai ki, aap kisi achhe Web Designer ko Hire karen. wo apke liye yeh kaam karega. Par uske liye apko paise kharch karne padenge. Par, I think, Bahut se mere jaise log Fourth Option ke bare me sochenge bhi nahi. :D 

Ab hum teesre option ki taraf dekh lete hain...


  Blog ko achha Look dene ke liye, aap Custom Templates ka prayog karen. Par Custom Templates ko attractive Look dene ke liye apko thodi-bahut Coding ki knowledge hona jaruri hai,. tabhi aap apni blog ko achhe se design kar payenge. Jin logo ko HTML, CSS, XML ki knowledge hai unke liye to asaan hai Blog Customize karna, par Jinhe Coding nhi aati unke liye toh bahut frustrating hai apni man-mutabik Blog ko Design karna.

Par App Tutorials padh kar yeh kaam asaani se kar payenge. Par jyadatar Blog Customization se related Tutorials apko English me hi milengi.English Tutorials ki to kami nahi hai Internet me, par Jab baat Hindi Tutorials ki aati hai toh wahi kuchh ikka-dukka websites par hi apko Free Hindi Tutorials milengi. Or wo bhi Bilkul Meshed-up hongi, kabhi ye karo, kabhi wo karo or last me ham Confused or Frustrated. 

Friends, me toh bahut confuse ho jata tha ke akhir karna kya hai. kaha se start karna hai or kaha par khatam karna hai. :/ kuchh smajh nahi ata tha.

 Apka bhi kuchh yahi haal hai kya?

Agar haa, toh aap sahi jagah par hai, me apke liye lekar aunga complete step-by-step blog customization se related free hindi tutorials.

Blog banana to bahut asaan hai. Google par search kariye "How to Create a Blog" or apko bahut sari free Step-By-Step Hindi or English tutorials mil jaengi. Aap steps ko follow karte jaiye or kuchh hi minutes me apki Blog tayaar.  

Par wo ek Bahut hi saadharan si, common looking si Blog hogi, jo ki bilkul bhi attractive nahi dikhegi, par agar apko apni Blog par bahut sare viewers chahiye to apko ek Attractive Looking Blog banani hogi, jispar viewers baar-baar visit karna chahe. 

Mujhe lagta hai Jo New Beeies(naye Bloggers) blogging ko seriously lete hai wo to hamesha apni blog ko Stylish ya Attractive ya ye kahe ki Customize karne ke tarikey dhundte rahte honge. 


Toh apki talash khatam samajhiye!

Mene bhi  apni blog ko customize karne ki kayi nakaam koshishe ki or baar-baar frustrate hokar Blogs delete ki. Par thodi bahut coding ki knowledge or Research se, Finally Mujhe mera manchaha Design Mil gya. Par in sab me mene mera Bahut time waste kiya. 

Toh, jo galtiya mene ki aap na kare, jese time waste mene kiya aap na kare, in sab baato ko dhyaan me rakh kar me Blog Customization se Related puri ek series likhne ki koshish karunga. Jisme aap Custom Templates ko apni blog me laga kar apne man mutabik ek naya roop de payenge. 

Wese mene Blog Customization se related kuch posts likhi hain. aap niche links par click karke padh sakte hain...



Navigation Bar, Sidebars, Footers se related problems ko me vistaar se sort-out karne ki koshis karunga. 
  • Hum janenge ki Navigation Bar kya hota hai or kaise ham Nav Bar ko apne hisaab se Design kar sakte hain.
  • Hum Headers ke bare me janenge or Headers Design karna bhi seekhenge
  • Hum janenge ki SideBars or widgets kya hote hain or kaise ham widgets ko apne hisaab se set kar sakte hain. 
  • hum janenge footers ke bare me or desgin karenge footers, Attributes or bhi bahut kuch. 




Jaise-Jaise me Tutorials Likhta jaunga, me is Designing Guide ko Update karta jaunga so keep Checking this. 

Agar apko meri is post se regarding Koi bhi jaankari chahiye to aap Comment kar humse puchh sakte hai ya aap hame Facebook ya Twitter par bhi Follow kar sakte hain.. 

Email: thepradeeptyagi@gmail.com 







Share on Google Plus

About Pradeep Tyagi

Hi Friends, I am Author and Owner of HTB. I am a Student of Graphics, Web Design and Development. I am a tech geek, I love to always stay update with latest tech News, Bloggers News and much more. My aim through this blog is to help people.
    Blogger Comment
    Facebook Comment

2 comments:

  1. ब्लाग डिज़ाइनिंग पर बहुत ही उम्दा किस्म का लेख का प्रकाशन। ऐसे लेखों का प्रकाशन होना बहुत जरूरी है। तभी भारत में ब्लागिंग का विस्तार होना संभव हो पाएगा।

    ReplyDelete
    Replies
    1. thankyou so much for appreciating me. Jamshed Bhai.!

      Delete